ମହୁରିକାଳୁଆ – ଶକ୍ତି ପୀଠ

ବ୍ରହ୍ମପୁର ଠାରୁ ଦକ୍ଷିଣ ଓଡିଶାକୁ ସଂଯୋଗ କରୁଥିବା ରାଜ୍ୟ ରାଜପଥ ପାର୍ଶ୍ଵରେ ବ୍ରହ୍ମପୁର ଠାରୁ ଅନତି ଦୂରରେ ମହୁରିକାଳୁଆ ପର୍ଯ୍ୟଟନସ୍ଥଳ ଆସେ ଯେତେବେଳେ ସହରାଞ୍ଚଳର ବ୍ୟକ୍ତିମାନେ ନିର୍ମବହୁଳ ତଥା ଝଞ୍ଜାମୟ ଜୀବନରୁ କିଛି ଅବ୍ୟାହତି ନେବାକୁ ଅଥବା ମନୋରଞ୍ଜନ କରିବାକୁ ଇଚ୍ଛା କରନ୍ତି, ସେତେବେଳେ, ସେମାନେ ଏହି ମହୁରିକାଳୁଆ ପୀଠକୁ ବଣଭୋଜି କରିବାକୁ ଆସିଥାନ୍ତି, ଯେଉଁ ପୀଠରେ ରକ୍ତସିନ୍ଦୁରମଣ୍ଡିତା ମୟୁରପୁଚ୍ଛ ଶୋଭିତ ମା କାଳୀ ବିରାଜିତା । ଏହି ପୀଠ ଏକ ପ୍ରକୃଷ୍ଟ ଅବସର ବିନୋଦନସ୍ଥଳ ଯାହା କର୍ମ କ୍ଳାନ୍ତ ଜୀବନର ବ୍ୟସ୍ତତାକୁ କିଛି ମାତ୍ରାରେ ଦୂର କରେ । ପର୍ବତ ବେଷ୍ଟିତ ଏହି ପ୍ରାକୃତିକ ପର୍ଯ୍ୟଟନସ୍ଥଳ ବହୁ ପର୍ଯ୍ୟଟନଙ୍କୁ ପ୍ରଲୋଭିତ କରେ ।